Urretxuko liburutegiak hizkuntzak ikasteko txoko bat egokitu du. Ia 300 liburu, disko eta DVD jarri dituzte erabiltzaileen eskura eta ordenagailuetan hizkuntzak ikasteko on-line metodoetara jo daiteke. Egitasmo horrek Elegunea du izena.
Proiektu hori ostiralean aurkeztu zuen Maialen Fidalgo zinegotziak. Proposamena PSE-EE alderdiarena izan dela esan zuen. «Gizartea geroz eta eleanitzagoa da, eta Urretxu ez da salbuespen bat. Jendeak hizkuntzak ikasi nahi ditu. Gainera, euskara edo gaztelera ama hizkuntzak ez dituzten herritarrak geroz eta gehiago dira».
Hala, egitasmo hau bi talderi zuzendua dago. «Alde batetik, alemana, frantsesa, ingelesa… ikasi nahi dutenak daude. Bestetik, euskara eta gaztelera ikasi nahi dutenak daude».
Elegunean hizkuntza ezberdinetan argitaratutako liburuak, bideoak eta diskoak daude. «Egitasmoak aurrera egin ahala, baliabideak hobetuko ditugu». On-line ikastaroak ere eskuragarri jarriko dituzte. Horretarako, liburutegiko ordenadoreetara jo behar da. Ikastaro hauek udalaren webgunean daude, liburutegiaren atalean.
Ane Arana liburuzainak urretxuar batzuk dagoeneko Elegunea erabiltzen ari direla gehitu zuen. «Gazte pakistandar bat, adibidez, sarritan etortzen da liburutegira. Bere ama hizkuntza urdua da, baina ingelesez ere badaki. Hala, ingelesek euskara ikas dezaten prestatutako materiala erabiltzen ari da euskara ikasteko».
Herritarrei zuzendua
Ostiraleko aurkezpena prentsari zuzendua zen eta beste aurkezpen bat egingo dute ekimena herritarrei ezagutzera emateko. Liburutegian Interesgunea egitasmoaren barne antolatu dute. Aurkezpena hilaren 30ean izango da, 19:00etan, liburutegian.
Liburutegian Interesgunea egitasmoaren helburua hilero gai bat lantzea da. Horretarako, gai horren inguruko funtsak sarrerak ikusgai jartzen dituzte eta ekitaldi bat antolatzen dute.
Urretxuko Udala gogor lan egiten ari da herritarrak liburutegira erakartzeko. Liburuez gain, diskoak eta bideoak har daitezke maileguan. Gainera, egunkariak eta aldizkariak irakurtzeko aukera ematen dute eta ordenagailuak erabil daitezke. «Urretxu eta Zumarragako idazle eta musikariek argitaratzen dituzten liburu eta disko guztiak erosten ditugu. The Northagirres rock taldeak diskoa kaleratuko du aurki eta hori ere eskuratuko dugu».
Arana Iparragirreri buruzko txoko bat prestatzen ari da eta fosilek, mineralek eta dinosauroek inguruko liburutegietan baino presentzia handiagoa dutela ere gogoratu du. Izan ere, liburutegia Urrelur mineralen eta fosilen museoaren ondoan dago.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.