Non sartu da udaberria? Goierri garaian udaberria Legazpiko jaien ondoren hasten dela esaten da, baina dagoeneko maiatza bukaeran gaude eta euripean jarraitzen dugu. Zelai Arizti pilotalekuko paleta txapelketaren eskutik helduko al da aurten udaberria? Hala bedi! Txapelketa hau gaur hasiko da.
Zumarragar eta urretxuar askorentzat Zelai Ariztiko paleta txapelketa oso berezia da. Aire librean jokatzen da, parke batean… Pilotakadek ematen diote ongi etorria udari, loreen usainarekin eta txorien kantuarekin batera. Ea aurten ere ahal den!
Aurtengo txapelketan zazpi bikotek jokatuko dute. A taldean hiru arituko dira: Beloki-Goiburu (Zaldibia-Ordizia), Epelde-Urtzi (Azpeitia) eta Arriaga-Unda (Amoroto-Zornotza). B taldean, berriz, lau bikote arituko dira: Aizpuru-Bikutze (Azpeitia), Andueza-Rodriguez, Viana-Aztiria eta Mendizabal-Zabalo.
Lehen fasea ligaxka moduan jokatuko da eta talde bakoitzeko bi bikote onenak finalerdietara pasako dira. Lehen partida gaur bertan jokatuko da: Epelde eta Urtzi, Arriaga eta Undaren aurka arituko dira. Bihar, berriz, Andueza eta Rodriguezek, Mendizabal eta Zabaloren aurka jokatuko dute. Bi ligaxketako gainontzeko partidak ekainaren 6, 7, 13, 14, 19, 20 eta 21ean jokatuko dira. Partida hauek guztiak 20:00etan hasiko dira.
Ondoren, finalerdiak jokatuko dituzte. A taldeko onenek B taldeko bigarrenen aurka jokatuko dute eta B taldeko onenek A taldeko bigarrenen aurka.
Finalerdietako bi partidak uztailaren 4an jokatuko dira. Lehenengoa 18:30ean eta bigarrena 20:00etan. Hirugarren posturako partida eta finala, berriz, uztailaren 6an jokatuko dira. Bi partida hauek ere 18:30ean eta 20:00etan jokatuko dira.
Txapelketa hau Zumarragako Udaleko Kirol Zerbitzuak antolatzen du. Antxon Biain Beloki pilotalekuko arduradunak eta antolatzaileak «oso txapelketa polita» dela dio. Zoritxarrez, gero eta jende gutxiagok parte hartzen du. «Lehen bi txapelketa antolatzen ziren: lehen mailakoa eta bigarren mailakoa. 1998an, adibidez, 17 bikotek parte hartu zuten».
Irabazleen artean, pertsona ezagunak daude. Garikoitz Mendizabal txistulariak, adibidez, zazpi aldiz jantzi du txapela. Laka-Benito bikoteak ere zaleen bihotzetan toki bat irabazi zuen. Arriaga amorotoarra, aurten parte hartuko duen pilotarietako bat, Lakaren iloba da.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.