Urola taldeak eskubaloi txapelketa antolatu du. Zumarragako jaietarako La Salle-Legazpi ikastetxeko jolastokian muntatu duten zezen-plazan jokatuko da, uztailaren 5ean eta 6an. Bi egunetan txapelketa 16:00etan hasiko da. 5ean kimuek (2007an eta 2006an jaioek) eta haur mailakoek (2005-2004) jokatuko dute. 6an, beriz, kadeteek (2003-2002). Parte hartu nahi dutenek egunean bertan eman behar dute izena: 15:00etatik 16:00etara. Taldeak gutxienez zortzi jokalarikoak eta gehienez hamarrekoak izan behar dira.
