Urretxuko Santa Anastasia jaietako egitarauaren azala aukeratzeko lehiaketa Anne Bengoetxea donostiarrak irabazi du. Zumarragako jaietako egitarauaren azala ere berak egin zuen. Urretxuko jaietarako egin duen lanean bi erraldoi (emakumea eta Iparragirre) eta bi buruhandi ageri dira eta letrak dantzan jarri ditu alaitasuna azaltzeko. Bengoetxea donostiarra da, baina Urretxu eta Zumarragarekin lotura du. Izan ere, bere mutil-laguna bertakoa da.
