Larunbatean eta igandean ate irekien jardunaldiak egingo dituzte Urretxuko Aikur erle museoan. Sarrera doan izango da. Museoa bisitatu eta erleak ikusteaz gain, aurtengo ezti berria abaraskatik ateratzen ikusi ahal izango da. Honetaz gain, ezti ezberdinak dastatzeko aukera paregabea izango du hurbiltzen den guztiak. Eztia atera ondoren, ume bakoitzak ezti potetxo bat ontziratuko du eta opari eramango du. Eztia 11:00etan eta 12:30ean aterako dute. Larunbatean 11:00etan euskaraz eta 12:30ean gaztelaniaz eta igandean 11:00etan gaztelaniaz eta 12:30ean euskaraz.
