Bentazaharreko Mutiko Alaiak taldekoak Korsikako Festa di a Nazioni jaialdian parte hartu dute. Larunbatean Portovechjo eta Konka-n jo zuten, kaleetan, jaialdian eta herri afariaren ondoren. Euskal musiak ezagutzera emateko eta Korsikako musika ezagutzeko aukera bikaina izan dela diote.
Festa di a Nazioni Korsikaren naziotasuna aldarrikatzen duen jaialdi bat da. Aurtengoa 20. edizioa izan da eta Euskal Herriko talde batek parte hartzea nahi zuten. Antolatzaileek eta Bentazaharreko Mutiko Alaiak taldekoek hartu-emana sendotzeko asmoa dute. Hala, Korsikako musika Euskal Herrian ezagutzera emateaz hitz egin dute.
