Santa Lutzi egunean, 17:30ean, eskuz binakako txapelketa nagusiko partida jokatuko da Urretxuko Ederrena pilotalekuan: Artola eta Mariezkurrena IIk, Irribarria eta Zabaletaren aurka jokatuko dute. Txapelketa nagusietako partidetan egin ohi den pilota aukeraketa gaur izango da, 12:00etatik 15:00etara. Lau pilotariak ikusteko aukera egongo da eta pilotalekuko taberna zabalik egongo da. Bestalde, osteguneko jaialdiko lehen partidan Retegi Bi eta Erostarbek, Jaka eta Jaunarenaren aurka jokatuko dute. Sarrerak erreserbatzeko 661 259 009 zenbakira deitu behar da. Ederrenako leihatila bihar 19:00etatik 20:00etara eta ostegunean 16:30ean irekiko dute.
