Zumarragako bandak eta Gozategik kontzertua egingo dute Orioko taldearen abestien bertsio sinfonikoarekin
Zumarragako musika bandak 150. urteurrena ospatuko du aurten. Egitaraua gaur aurkeztuko dute. Aipatzekoa da otsailean Donostiako Orfeoiarekin joko dutela, irailean banda zuzendari ospetsuenetako batekin joko dutela eta Gozategi taldearekin kontzertu bat egingo dutela. Kontzertu honetarako Orioko taldearen abestien bertsio sinfonikoak prestatzen ari dira.
Horra hor egitaraua:
-Otsailak 2: Donostiako Orfeoiarekin kontzertua. 20:30ean, Zumarragako parrokian.
-Martxoak 23: Banda alardea, Legazpiko eta Azpeitiko bandekin.
-Apirilak 28: Valentziako Aldaya herriko bandaren kontzertua Zelai Arizti aretoan.
-Zumarragako jaiak: Gozategi taldearekin kontzertu sinfonikoa.
-Irailak 28: Jacob de Haan konposatzaile holandarrak zuzendutako emanaldia, Antioko Musika Zikloan. De Haan abesti bat konposatzen ari da egun horretarako.
-Azaroak 22 (Santa Zezilia eguna): Herriko beste talde batzuekin kontzertua. Kontzertu horretan bandaren ereserkia estreinatuko dute. Jose Migel Laskurain bandakidea da ereserki hau konposatzen ari dena.
-Abenduak 22: Gabonetako kontzertu solidarioa, Gautena elkartearen alde.
