Urretxu-Zumarraga ikastolako Batxilergoko lehen mailako ikasleak Batzar Nagusietan egon dira gaur. Irailetik gaur arte landu duten proiektua aurkeztu dute. Ikastolako ikasleek, Gipuzkoako beste hiru ikastetxetako ikasleekin batera, Kultura Politikoa eta Gazteak egitasmoan parte hartu dute. Demokrazia, sistema instituzionala eta bere arauak landu dituzte. Horretaz gain, liderrak formatu dituzte, hauteskundeak egin dituzte eta osoko bilkura bat egin dute. Gaur goizean, osoko bilkuraren aurretik, komunikazio tekniketan, proposamenen garapenean, dokumentazioan eta eztabaidan trebatu dira.
