La Salle-Legazpi ikastetxeko ikasle ohiek Korrikako kilometro bat erosiko dute euskara bultzatzeko eta elkartzeko helburuarekin. Ikastetxeko sarreran itsulapiko bat jarri dute eta ikasle ohiek kilometroaren erosketa diruz lagundu dezakete. Horra hor ikasle ohientzat prestatu duten oharra:
“Bi urtetik behin egiten den korrikaren babesle sutsua izan dugu beti gure ikastetxe izandako La Salle. Oraindik gogoan ditugu gure peto propioak ilusioz moztu, margotu eta soinean jantzirik, herrian zehar korrika egiten genituen urteak. Gogoan ditugu Amparo, Pili, Elena, Carbajo eta beste hainbeste irakasleren oihuak, bidera sartu edota mantsoago joan gintezen. Gogoan ditugu kantak ikasten emandako ordu guztiak. Baina, batik bat, barreak datorzkigu burura. Ondorioz, aurtengo Korrikako kilometro bat erostea erabaki dugu, euskara bultzatzeko eta lagun giro hura berriro bizitzeko. Horretarako ikasle ohiak izandakoon arteko diru bilketarako laguntza eskatzen dizugu. La Salle-Legazpiren euskararekiko konpromisoa defendatzen jarraitzeko eta antzinako lagunekin bat, kilometro batez iraganera bidai egiteko. Zure aportazio txikienak ere kontatzen du. Pasa zaitez La Salleko idazkaritzatik eta bertan utzitako itsulapikoan utz ezazu zure aportazioa, eta nola ez, etor zaitez apirilaren 13an korrika egitera!”
