Azken gau hauetan lapurreta asko egon dira. Zortzi denda eta tabernatan sartu dira lapurtzera: Aranburu harategia, Aitzene mertzeria, Otaegi harategia, Bidezar taberna, Haizea taberna, Izarra arraindegia, Herce elektrizitate denda eta Ainhoa taberna. Bi-Tartean elkarteak prentsaurrekoa egin zuen atzo gertatzen ari dena salatzeko. Ekitaldian lapurretak jasan dituzteneko batzuk parte hartu zuten. Merkatarien ustez, arrazoietako bat komisaldegia Bergarara eraman izana da. Ertzaintzari babesa eskatu diote, udalekin harremanetan jarri behar dira eta merkatari eta ostalariei gauetan denda eta tabernetan dirurik ez uzteko eskatu diete.
