Zumarragako Udala Santa Isabel jaiak prestatzen ari da eta hainbat ohar igorri ditu:
-Aurten ere Zumarragako Udalak mahaiak jarriko ditu ermitaren atzealdean, Santa Isabel egunean. Kuadrillen artean zozkatuko ditu. Mahai hauetako batean bazkaldu nahi dutenek kultur etxean izena eman behar dute. Zozketa hilaren 18an izango da, 13:00etan.
-Bihar irekiko dute udalaren bazkarian izena emateko epea. Txartelek 40 euro balio dute. Epea 19an itxiko dute.
-Santa Isabel egunean Antiora autoan igo nahi dutenek eskaera egin beharko dute udaletxean. Eskaera egiteko epea ekainaren 14an bukatuko da, 14:00etan.
-Danborradako entseguak datorren astelehenean hasiko dira. Astelehenetik ostegunera egingo dira. Haur Hezkuntzako eta Lehen Hezkuntzako lehen mailakoek 18:00etan entseatuko dute, gainontzeko haurrek 19:00etan eta helduek 20:00etan.
