Urretxu eta Zumarragako Gazte Asanblada gaztetxearen 17. urteurrena ospatzen ari da. Bihar, 19:00etan, bi herrietako hainbat musikarik emanaldia egingo dute.
Gaztetxe berria 2002ko ekainaren 22an ireki zen eta urtero urteurrena ospatzen dute, ekainean. Aurtengo programako lehen ekitaldia hilaren 7an izan zen: G7ari buruzko bideo bat eman zuten eta ondoren eztabaida egon zen. Aste honetan, berriz, Ataun of the dead trilogiaren hiru pelikulak eman dituzte. Aste honetako ekitaldiekin bukatzeko, bihar herriko hainbat musikariek emanaldia egingo dute.
Hurrengo ekitaldia datorren ostegunean izango da. Balentin Tramonek Miguel Lopez de Legazpi fanzinea aurkeztuko du, 20:00etan, Zumarragako plazan. Fanzine hau KKinzonaren laguntzarekin argitaratu du eta helburua Lopez de Legazpi zumarragarraren figura desmitifikatzea da. «Zumarragako plazan Miguel Lopez de Legazpiren irudia dago eta lotsagarria iruditzen zait konkistatzaile bat herri erdian edukitzea. Hori dela eta, ipuin biografiko bat idatzi dut», azaldu du.
Istorioa 1572an hasten da, Lopez de Legazpi hil zen egunean. «Hilzorian dagoela, bere bizitzaren errepasoa egiten du. Kontatzen dudana ez da asmakizun bat. Oinarri bat du. Aritz Ormazabalen eta Jon Urtzelairen laguntza izan dut», aipatu du Tramonek.
Urteurreneko hurrengo ekitaldia datorren ostiralean izango da. Harremanei buruzko hitzaldia egingo dute, 19:00etan, gaztetxean.
Datorren asteko larunbatean, hilaren 22an, urteurren eguna ospatuko dute. 12:30ean trikipoteoa egingo dute, gaztetxetik hasita. 13:30ean pilota txapelketako finala jokatuko da, Ederrena pilotalekuan. Ondoren, bazkaria egingo dute gaztetxean. Bazkarirako txartelak gaztetxean eta Osaba eta Apatxe tabernetan jarri dituzte salgai.
Kontzertuak
Arratsaldean kontzertuak egongo dira gaztetxean: 17:30ean Samba Dzanga taldeak joko du eta 19:30ean Toc taldeak. Gauean ere musika izango da nagusi. 22:30ean Eztanda taldeak joko du. Ondoren, DJ Jondi eta DJ Beniz-ekin dantzatzeko aukera egongo da.
Urteurreneko ekitaldiekin bukatzeko, hilaren 25erako kontrakulturari buruzko hitzaldi bat antolatu dute. 19:00etan izango da.
Handik hiru egunera, hilaren 28an, Zumarragako Santa Isabel jaiak hasiko dira. Gazte Asanbladak ere ekitaldiak antolatuko ditu, noski. Egun gutxi barru emango dute jaietako egitarauaren berri.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.