Bi Tartean merkatari elkarteko kideek merkealdiko arropa kalera aterako dute. Merkealdia Kalera ekitaldia asteazkenean izango da, 10:00etatik 21:00etara, Zumarragako Euskadi plazan. Alex Kirolak eta Bidegorri kirol-dendek; Arku, Maraï&NKN, Nafi eta Natalietta arropa-dendek; Aristizabal zapata-dendak; Baby eta Kux-Kux haurrentzako arropa-dendak; Ezpeleta argiztapen-dendak; Julita, Mari eta Nuñez mertzeriek; Titare lentzeriak eta Kizkur ile-apaindegiak parte hartuko dute.
Gainera, 10 euroko erosketa egiten duten guztiek paella errazioa eta edaria doan izango dute 13:00etan. Bestalde, haurrentzako puzgarriak eta tailerrak egongo dira.
