Aurtengoan ere ‘musika aitzaki’ programaren baitan antolatu dute Urretxu eta Legazpiko Mirandaola lotuko dituen bide hau. Iparragirre omenduz, honen plazatik hasiko da ibilaldia. Urretxura 10:00etan iritsiko dira, eta bertan izango dira zain herriko musikari eta abeslariak; baita Iparragirre erraldoia ere.
‘Iparragirre Balerdi’ musika tailerreko kideek plazan, Iparragirreren estatuaren eta erraldoiaren aurrean, abesti batzuk joko dituzte. Amaitzeko, ‘Gernikako arbola’ joko dute eta hauek laguntzeko egongo dira Goiargi abesbatzako kideen ahotsak.
