Urolak 500 jokalari baino gehiago izango ditu denboraldi honetan, 17 taldetan eta futbol eskolan banatuta. Iaz baino bi talde gehiago, alegia.
Klubak joan zen larunbatean egin zuen ohiko aurkezpena: emakumezkoen eta gizonezkoen lehen taldeek lagunarteko partidak jokatu zituzten eta Antioko amabirjinari lore eskaintza egin zioten. Lehenengoz, neskek ere lagunarteko partida jokatu zuten.
Emakumezkoek Arizmendiren aurka jokatu zuten. 3 eta 0 nagusitu ziren. Gizonezkoek, berriz, hiruko txapelketa jokatu zuten Ilintxa eta Hernanirekin. Hernanik 1 eta 0 irabazi zion Ilintxari, eta Urolak bina berdindu zuen Hernanirekin eta 1 eta 0 irabazi zion Ilintxari. Urolak eta Hernanik penaltiak jaurti zituzten berdinketa hausteko. Hernaniarrak nagusitu ziren.
Esan bezala, Urolak 17 talde eta futbol eskola izango ditu denboraldi honetan. Iaz baino bi gehiago. Talde berriak kadete eta haur mailakoak dira. 17 taldeetatik, hamahiru gizonezkoenak dira eta lau emakumezkoenak. Urolak 500 jokalari baino gehiago ditu: 250 gizonezkoen taldeetan, 70 emakumezkoen taldeetan eta 200 futbol eskolan. Horiek guztiak entrenatzeko 50 entrenatzaile baino gehiago dituzte.
Mikel Mesonero lehendakaria gustura ageri da. «Jokalari kopuruak gora egin du eta oso pozik gaude. Gure zuzendaritzaren helburu nagusiak herriko jokalariekin aritzea eta nesken futbola indartzea ziren eta lortu dugula uste dut. Heldu ginenean emakumezkoen bi talde eta 25 bat jokalari genituen. Talde horietako bat ozta-ozta atera zen aurrera. Egun lau talde eta 70 neska dira. Eta futbol eskolan ere nesken taldea dugu. Oinarri sendoak jarri ditugula esan daiteke».
Lehen taldean Urretxu eta Zumarragatik kanpoko bi jokalari bakarrik egongo dira. «Bost jokalarik taldea utzi dute eta atezain bat eta eskuineko hegaleko defentsa bat fitxatu behar izan ditugu. Atezaina Xabier Olano da, Abraham Olano txirrindulariaren semea. Hegalekoa, berriz, Ekain Andueza da. Anaitasuna taldetik etorri da. Aurreko denboraldian Ohorezko Erregional Mailara igo ginen eta gure helburua mailari eustea da. Ez da erraza izango, baina ahal dugula uste dut, nahiz eta taldea utzi duten bostak titularrak ziren».
Emakumezkoen lehen taldeari dagokionez, helburua iazko sailkapena hobetzea da. «Aurreko denboraldian mailari eustea eta Kopako finalerdiak jokatzea lortu genuen. Oraingoan sailkapen taulako goiko aldean egon nahi dugu».
Zuzendaritza honen azken denboraldia da. «Uzteko asmoa dugu, baina beharbada norbaitek erreleboa hartuko dutenekin jarraituko du. Egindako lanarekin pozik gaude eta gure helburua lekukoa hartuko duen talde bat aurkitzea da. Lortuko dugula uste dut».
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.