Urriaren 7an hasiko da Goierri garaiko Hazilan programaren bosgarren edizioa. Parte hartzaileek hezkuntza coaching-ari buruzko 150 orduko formakuntza jasoko dute eta eskualdeko ikastetxeetan nahiz gizarte egoitzetan 200 orduko praktikaldia egin ahal izango dute. Gainera, gaitasun transbertsalak landuko dituzte eta lan merkatura iristeko bideei buruzko orientazioa jasoko dute.
Ikastaro hau hezkuntza, pedagogia, psikologia edo gizarte lanetan goi mailako ikasketak dituzten langabetuei zuzendua dago, pertsonekin lan egiteko dituzten gaitasunak aberastu ditzaten.
Ekimenean parte hartzen duenak kontaktuak egiteko aukera baliatu ahal izango du eta lan merkatuan txertatzeko ikusgarritasuna ere lor dezake.
Formakuntza saioak UGLE lanbide eskolan eta Sortzen enpresa gunean izango dira, 09:00etatik 14:00etara. Izena eman nahi dutenek 943 25 00 98 telefono zenbakira deitu behar dute, lanpoltsa@uggasa.eus helbidera idatzi edo Uggasak Legazpiko Patrizio Etxeberria kalean duen bulegora jo.
Informazio gehiago nahi dutenek telefono zenbaki horretara deitu dezakete, rcuriel@uggasa.eus helbidera idatzi edo uggasa.eus, hazilan.eus eta jario.es webguneak bisitatu.
