Astelehenetik aurrera, Bi-Tartean merkatari elkarteak Ane Miren Ormazabal urretxuarrak diseinatutako katiluak oparituko ditu. Katilua jasotzeko, kanpainan parte hartzen duten dendetan gutxienez 30 euroko erosketa egin behar da. Ez da beharrezkoa izango 30 euroak erosketa bakarrean gastatzea, ezta denda berean ere. 30 euroko erosketa egin ondoren, tiketak Bi-Tarteanen bulegora eraman behar dira. Bertan banatuko dituzte katiluak. Bulegoa 09:00etatik 16:30era irekitzen dute, astelehenetik ostiralera. Asteazkenetan 17:30ean itxiko dute, kanpainak irauten duen bitartean. Kanpaina katiluak agortzen direnean bukatuko da. Katiluak jasotzeko NANa erakutsi behar da eta NAN bakoitzeko katilu bakarra emango dute.
