Santa Lutzi egunean, urtero bezala, pilota jaialdia egingo da Ederrena pilotalekuan. 17:30ean hasiko da. Lehen partida binakako Promozio txapelketakoa izango da. Peña II eta Arangurenek Egiguren V eta Erostarberen aurka jokatuko dute. Bigarren partida binakako txapelketa nagusikoa izango da. Bengoetxea VI eta Mariezkurrena, Ezkurdia eta Martijaren aurka lehiatuko dira. Ederrenara hurbiltzen direnek lau t’erdiko txapelketa irabazi berri duen Joseba Ezkurdia ikusteko aukera izango dute, beraz. Sarrerak entradasfronton.com webgunean jarri dituzte salgai. Partida egunean leihatila 16:30ean irekiko da.
