Alter Ego taldea eta Gorka Hermosa MIN sarietan parte hartzen ari dira. Lehiaketa honetan musika independentea egiten duten taldeek parte hartzen dute. Bigarren fase honetan jendeak gustuko duen taldearen aldeko bozka eman dezake. Alter Ego taldeak lau izendapen jaso ditu eta Gorka Hermosaren Atlantia Ë Ria diskoak zazpi. Beraien aldeko botoa emateko, premiosmin.com webgunera jo behar da eta saioa hasi. Konfirmazio mezua jaso ondoren, estekan sartu eta botoa eman behar da. Hirugarren fasean epaimahaiko kideek sarituak aukeratuko dituzte. Sari banaketa martxoaren 11n izango da, Madrilgo Circo Price antzokian.
