Arte sanitarioa amaitu bitartean, errefusarentzako, organikoarentzako eta pixoihalentzako edukiontziak eta landa eremuetako birziklaguneetako ateak desblokeatuta egongo dira eta txartelik gabe ireki ahal izango dira, noiznahi. Garbiguneak zabalik mantenduko dira, baina gremioak eta udaletako zerbitzuak bakarrik atendituko dituzte. Herritarrei garbiguneak ez erabiltzeko deia egiten zaie, ezinbestekoa ez bada. Maskoten gorpuak normaltasunez jasoko dira. Garbiguneetan tasak ordaintzeko modua aldatu egingo da: ezin dira eskudirutan edo banku-txartelarekin ordaindu. Helbideratze bidez (ohiko erabiltzaileak) edo transferentzia bidez (erabiltzaile puntualak) bakarrik ordainduko dira.
