Zumarragan beste lau lagunek eman dute positibo azken 24 orduetan, eta Urretxun batek.
Eusko Jaurlaritzaren Osasun sailak argitaratu duen txostenaren arabera, beste bost lagunek eman dute positibo koronabirusarengatik azken 24 orduetan Zumarragan eta Urretxun. Zumarragan lau kasu gehiago atzeman dituzte, eta Urretxun bat. Iturri ofizialen arabera, bi udalerriotan 72 herritar daude Covid-19 gaitzak kutsatuta.
Zumarragako ospitalean 16 lagun daude koronabirusagatik ospitaleratuta, eta azken 24 orduetan bi erik jaso dute sendagiria.
Euskal Autonomia Erkidegoan 33.132 kasu atzeman dituzte krisia hasi zenetik. Gipuzkoan 2.161 kasu daude, atzo baino 75 gehiago. Hildakoak 902 dira Araba, Bizkaia eta Gipuzkoan, atzo baino 42 gehiago, eta sendatutakoak 1.505 –atzo 1.334 ziren–.
- Zumarraga ………….… 61 (+4)
- Urretxu……..…………… 15 (+1)
