ELA sindikatuak Zumarragako Argixao egoitzaren aurkako salaketa iragarri zuen. Bertako 35 langilek erantzun gutun bat idatzi zuten eta ELAk langile hauei erantzun die.
ELA sindikatuak Zumarragako Argixao egoitzaren aurkako salaketa iragarri zuen eta bertako 35 langilek erantzun gutun bat idatzi zuten. ELAk langile hauei erantzun die. Horra hor erantzuna:
ARGIXAO EGOITZAKO ELAko ATAL SINDIKALAK BERRETSI EGITEN DU GURE EGOITZAKO ERABILTZAILEEN ETA LANGILEEN OSASUNA DEFENDATZEKO KONPROMISOA
Egoitzetako langileok urteak daramatzagu zerbitzuaren eta lan-baldintzen prekarietatea salatzen. Argixaoko langileok lehen pertsonan parte hartu dugu Gipuzkoan aurrera daramagun borrokan, zaintzak duintzeko eta gure erabiltzaileei kalitate asistentzial hobea bermatzeko. Langileei dagokienez, 14 positibo ditugu diagnostikatuta, eta 25 langile bajan gaude.
Bizitzak salbatzeko helburuarekin, kasu askotan gurea arriskuan jartzen ari gara. Gipuzkoako egoitzetan 110 pertsona baino gehiago hil dira dagoeneko; horietatik 7 gure egoitzaren erabiltzaileak ziren, ez ziren egunkariaren lehen orrialdeko estadistika soilak, haiekin bizi, barre egin eta negar egin dugu, eta gaur egun, zoritxarrez, ez daude gurekin. Eta gaur egun, gutxienez 37 erabiltzaile daude kutsatuta.
243 eguneko grebaren ondoren, Argixaoko langileok, beste zentro batzuetako lankideekin batera, greba bertan behera utzi genuen, Covid-19aren aurkako borrokaren lehen lerroan jartzeko.
ELAk, gehiengoa duen heinean -9 ordezkaritik 7- egoera latz hori salatu du. Salaketa publikoaren bidez bakarrik egiaztatu ahal izan dugu Aldundiak jardun behar izan duela. Lehenengo fasean, langileok inolako bitartekorik gabe egin diogu aurre pandemiari. Eskandalagarria da. Aldundia gobernatzen duen alderdiko kideek planteatu zuten osasun-material guztia pertsonen zaintzan irauli beharrean, zati bat industriako langileengana bideratu behar zela, ekoizten jarrai zezaten.
Testuinguru horretan, duela ia hilabete bai enpresari bai Aldundiari babes-neurriak eskatu ondoren, eta inolako erantzun positiborik jaso gabe, apirilaren 14an, ELAk demanda bat jarri zuen 3 zentroren aurrean, eta horietako bat gurea zen. Gaur egun, beste 5 eskari daude EAEko beste egoitza batzuetan. Gure helburu bakarra Argixaoko eta gainerako egoitzetako langileei zerbitzu eta osasun hobea bermatzea da. Beste modu batera sinplifikatu dezakegu: erabiltzaileen heriotza gutxiago eta kutsatze gutxiago, lan egiten dutenentzat duten arriskuarekin.
Gipuzkoako Aldundiak, bere ohitura den bezala, gure erreklamazioa kritikatu zuen. Eider Mendoza bozeramaileak defendatu zuen langile guztiei egin zizkietela testak eta segurtasun neurri guztiak zituztela. Beste gezur bat da.
Ohituta gaude langile prekarioak izatea nahi dutenen kritiketara. Batzuek urteak daramatzagu borrokan sektorea duintzeko. Harritzen gaitu beste langile batzuek, aldiz, kalitate eta segurtasun handiagoa eskatzen ditugunok kritikatzea. Harridura pixka batekin irakurtzen dugu sektorearen egoera prekarioa kritikatzen den bitartean, bizi dugun egoeran erantzukizun handia duten erakundeen jokabidea justifikatzen dela. Gerozerlanek edo Matia Fundazioak noiz kritikatu dute Aldundia? ELAri leporatutako idatziaren argudioek berretsi egiten dizkigute salaketa jartzera bultzatu gaituzten arrazoiak.Bitartekoen prekarietatea salatzen bada, zein da ELAri egindako kritiken xedea?. Bestalde, idatziak 30 langileen babesa du 115 langile dihardute bertan.
Borrokan jarraituko dugu, gure adinekoei eta haien familiei zor diegu. Une historiko honetan, beste behin ere, harro gaude hartzen ari garen erabakiez, nahiko genuke prekarietatea pairatzen duten guztiak ere bat egitea duintasunaren aldeko borrokarekin. Enpresak justifikatuz, gure miseria kroniko bihurtuko dugu.
Zumarragan, 2020ko apirilaren 17an
