Eskerrak eman dizkiete, azken hilabete hauetan gizartearen alde egin duten lanagatik
![](https://www.otamotz.eus/site/files/2020/06/img-20200611-wa0003.jpg)
Urretxu-Zumarraga ikastolako DBH1eko ikasleek gailetak egin dituzte ikasturte berezi honi amaiera gozoa emateko. Bakoitzak bere etxean egin ditu, irakaslearen gidaritzapean. Osasun neurriak errespetatu dituzte gailetak egiteko garaian: maskarak, garbitasuna… Ikasleek gailetak osasun arloko langileei oparitzea erabaki dute, azken hilabete hauetan gizartearen alde egin duten lana eskertzeko. Hala, gaur goizean ospitalera joan dira. Lau langilek egin diete harrera, Laura Agirre kudeatzailea buru. Gazteei eskerrak eman dizkiete eta gailetak langileen artean banatu dituzte.