Baserritarren gunean postu gehiago egongo dira
Zumarragako azoka normaltasun berrira egokitzen ari da. Hala, aste honetatik aurrera postu gehiago egongo dira, sarreran ez da kontrolik egongo eta erosleek ez dute zirkuitu bat jarraitu beharra izango. Hala, pilotalekura Jai Alai kaletik ere sartu ahal izango da. Hori bai, saltzaileek eta erosleek maskara erabili behar dute eta metro eta erdiko distantzia fisikoa mantendu. Azoka 08:30ean irekiko dute eta 10:30ak arte adinekoek lehentasuna edukiko dute.
Bestalde, Zumarragako Udala tokiko kontsumoa bultzatzeko bonu batzuk eskaini behar ditu. Bonu horietako batzuk azokako postuetan erabili ahal izango dira.
