Lan saioak ostegunean, ostiralean eta larunbatean izango dira eta azken egunean bazkaria egingo dute
Ostegunean, ostiralean eta larunbatean auzolan saioak egingo dituzte gaztetxean. 10:00etan hasiko dira. Ostegunean eta ostiralean bakoitzak bere etxean bazkalduko du eta arratsaldean jarraituko dute. Larunbatean, berriz, bazkaria egingo dute.
Urretxu eta Zumarragako gazte eta ez hain gazte guztiak parte hartzera gonbidatu dituzte. Besteak beste, lorategia eta bidegorri aldeko eremua txukunduko dituzte, fatxadaren zati batzuk konponduko dituzte, kableen egoera begiratuko dute, barruko horma bat margotuko dute, barra garbituko dute… Gaztetxea ikasturte berrirako prestatzeko eta zenbait lan egiten ikasteko “aukera paregabea” izango da.
