Itziar Ituño aktorea, Naiara Elgarresta urretxuarraren poltsa batekin

Ituñok 'Hil kanpaiak' pelikularen aurkezpenera eraman zuen Elgarrestaren poltsa

2020/09/29

Itziar Ituño aktore bizkaitarrak Naiara Elgarresta diseinatzaile urretxuarraren poltsa bat aukeratu zuen Hil kanpaiak pelikularen aurkezpenerako. Ituño, Goenkale eta La casa de papel telesailengatik ezaguna, pelikula horretako protagonista da.

Garizmendi baserrian giza hezur batzuk agertu dira. Etxekoek, Fermin eta Karmen senar-emazteek, Nestor semeari deituko diote eta horrek, berriz, Ertzaintzari. Baina eratzainak iristean, ez da hezurrik egongo. Segidan, hil-kanpaiak joka hasiko dira auzoko baselizan. Adur txarreko seinale horrek, gertaera latzak ekarri ez ezik, familiaren eta ingurukoen garai bateko zauriak irekiko ditu. Zuzendariaren bigarren film luzea. Azaroan helduko da zine aretoetara.

Pelikula Imanol Rayo nafarrak zuzendu du. Ituñorekin batera, Eneko Sagardoy, Yon Gonzalez, Asier Hernandez, Iñigo Aranburu, Dorleta Urretabizkaia, Josean Bengoetxea, Kandido Uranga, Patricia Lopez Arnaiz, Andres Gertrudix eta Itxaso Arana aktoreek parte hartu dute.

Elgarrestak poz handia hartu zuen Ituño bere poltsetako bat eramango zuela jakin zuenean, noski. Urretxuarrak zapaten eta Osagarrien Diseinua ikasi zuen Florentziako unibertsitatean eta bere izena daramaten luxuzko poltsak diseinatzen ditu. Poltsa hauek naiaraelgarresta.com webgunean eros daitezke.