Zumarraga gorriz markatutako herrien artean dago eta Urretxu laranjaz markatutakoen artean
Gaur eguerdian argitaratutako txostenaren arabera, azken 24 orduetan Osasun sailak sei positibo atzeman ditu Zumarragan eta lau Urretxun.
Gipuzkoan 370 positibo zenbatu ditu Osasun sailak; Araban 116 izan dira, eta Bizkaian 329. Euskal Autonomia Erkidego mailan 50 eri daude ZIUn ospitaleratuak, eta 40 dira atzo ospitalera eramandakoak. Guztira 264 dira ingresatuta daudenak.
Jaurlaritzak azken 14 egunetan 100.000 biztanleko 500 kasu baino gehiago dituzten herriak gorriz markatu ditu eta horien artean Zumarraga dago. Gipuzkoan sei herri daude gorriz. Urretxu laranjaz dago eta azken 14 egunetan 441,05 kasu izan ditu 100.000 biztanleko.
