Zumarragan hiru kasu atzeman dituzte
Gaur eguerdian argitaratutako txostenaren arabera, asteburu honetan (ostiraletik astelehenera) Osasun sailak hiru positibo atzeman ditu Zumarragan. Urretxun, berriz, ez du positiborik atzeman. Joan zen asteburuan Zumarragan zortzi atzeman ziren eta Urretxun bi. Jaurlaritzak azken 14 egunetan 100.000 biztanleko 500 kasu baino gehiago dituzten herriak gorriz markatzen ditu eta bi herriak zerrenda horretatik kanpo daude. Baita laranjaz markatutako herrien zerrendatik kanpo ere. Izan ere, bi herriak horiz markatutakoen artean daude. Horiak 300dik beherakoak dira eta laranjak 300 eta 500 artekoak. Zumarragak 266,20 kasu izan ditu 100.000 biztanleko azken 14 egunetan eta Urretxuk 205,82.
Osasun sailaren txostena, 2020-12-07
