ZUbertsotan: Bertso-katea

24 urte pasatxo, eta kontrastea

ZUbertsotan bertso eskolak hasitako katearen lehen begia Antton Fernandez Lasak jarri du. 1996. urtean Otamotzen argitaratu zuen bertsoari erantzun dio, egungo ikuspuntutik.

2020/12/10

Otamotz

1996ko iraileko Anttonek

SANTA ANASTASIAK gai hartuta

· Doinua: hara nun diran mendi maiteak

Buruhandiak eta barrakak

gastronomi lehiaketa

dantzari eta kantari denei

jarri diegu arreta

euskal jaia_ere ezin zen falta

jaien bihotza da eta

hurrengo jaiak noiz iritsiko

gaude irrikaz beteta.

2020ko abenduan

· Doinua: hormatxoriak negu gorrian / Antoni eta Anton

Ez buruhandi, ez barraka, ez

gastronomi lehiaketa;

dantzari eta kantari faltan

zeri ipini arreta?

Euskal jaia_ere hutseman degu,

bihotza tristetuz, eta

hurrengo jaiak noiz iritsiko

gaude irrikaz beteta.

Antton, hi… Anttoni…

etxeak janda hago hi;

hi, Antton… hi, Antton…

horrela ezin haiz egon.

Nahiz gure’hrria urtetan izan

kulturari irekia,

osasun krisi garaian dute

bazterrean edukia.

Etsipena da ifrentzua, ta

ilusioa aurkia,

zaleok sortu diezaiogun

kulturari aterkia.

Ta Santa Lutzi azoka ezak

eragin badizu negar,

larunbatean Zelai Ariztin

ikusiko degu elkar;

zazpi t’erditan jardungo dira

han bost bertsolari “ear”,

pozik nengoke urte berriak

halako gehio balekar!

Erlazionatutako edukiaUrretxu eta Zumarragako bertsolarien bertsoak, ‘Otamotz’en entzungai