Ostiralean txapelketa nagusiko eta Promozio txapelketako partidak jokatuko dira Urretxun: Elezkanok eta Zabaletak, Imaz eta Urrutikoetxearen aurka eta Zabalak eta Erostarbek, Larrazabal eta Eskirozen aurka
Ostiralean, 22:00etan, binakako txapelketa nagusiko eta promozio txapelketako partidak jokatuko dira Urretxun. Binakako txapelketan, Elezkano eta Zabaleta liderrek Imaz eta Urrutikoetxearen aurka jokatuko dute. Promozio txapelketan, berriz, Zabala eta Erostarbe urretxuarrak Larrazabal eta Eskirozen aurka jokatuko dute. Pilota aukeraketa bihar izango da, 13:30ean. Partidak ikuslerik gabe jokatuko dira.
Bi partidak oso garrantzitsuak dira. Bai Elezkano-Zabaleta eta bai Zabala-Erostarbe finalerdietara sailkatuko dira ostiralean irabazten badute. Aspe enpresako bi bikoteek Urretxun entrenatu dute gaur eguerdian. Zabala min hartuta egon da eta oraindik ez du erabaki ostiralean jarraituko duen. Bere ordez, Peio Etxeberria aritu da.
Argazkian, lau pelotariak gaur eguerdian Ederrena pilotalekuan.
