Ekainean urteurreneko kamisetak salgai jarriko dira
Igandean 2021eko Iñaki Beitia mendi martxari zegokion eguna izan zen. Iaz bezala, ezagunak diren arrazoiengatik, bertan behera utzi zuten. Dena den, jardueraren bat egingo dute eta kamisetak salgai jarriko dira.
Izan ere, 2021a urte berezia da: Beitia 1996ko uztailean hil zen eta, beraz, aurten 25 urte beteko dira zendu zenetik. Haren oroitzapena bizirik mantentzeko, martxaren antolatzaileek jardueraren bat egitea pentsatu dute.
Horietako bat, oroigarri gisa kamiseta bat egitea izango da. Kamiseta hori uztailerako salgai jarriko da. Interesatuek ekainaren lehen hamabostaldian eman ahal izango dute izena beitia.org webgunean. Internet erabiltzen ez dutenek, Ostadar mendi taldearen egoitzan eskatu ahal izango dituzte kamisetak: astearte, ostegun eta ostiraletan, 19.00etatik 20.00etara.
