ZUbertsotan bertso eskolak hasitako katearen hamabosgarren kate-begia Maialen Akizuk jarri du, koronabirusaren albisteei eta kontrol neurriei jarritako bertsoekin.
NOTIZIAK NONAHI
· Doinua: Lo hadi aingüria (Maddi Oihenart)
· Egilea: Maialen Akizu Bidegain
Notiziak nonahi ta
kontuak zer dian!
Hau ez da ba atera
gure alderdian,
ez Diario Vascon,
eta ez Berrian:
dozenaka kamera
daudela herrian.
Kamerak Gainzurin ta
Ipiñarrietan
Nahiz ez geran Madona,
Jolie edo Beckham
Alkateen atea
Bihurtu da web cam
Ta ezin gera ikusi
euren begietan.
“Kontrola babesa da
ta onerakoa”
Nere iritziz ez da
ba antzerakoa!
Babesa izaten da
parez-parekoa
Ta kontrola derrigor
goitik beherakoa.
Baldin badezu azal
txuri brilantea
ta berrogei urtetik
gora talantea.
Lasaitu ez sumindu
Ta eman kantea,
Eurentzat ez zera ta
interesantea
