Udaletxeko arreta zerbitzuak eta udaltzaingoak ordutegia mantenduko dute. Kultur zerbitzuetan eta kiroldegian daude aldaketak.
Abuztuan aldaketak egongo dira Urretxuko udal zerbitzu batzuetan. Udaletxeko arreta zerbitzuan eta udaltzaingoan ez da aldaketarik egongo. Arreta zerbitzua 08:00etatik 15:00etara irekiko dute eta bertako telefono zenbakia 943 03 80 80 da. Udaltzaingoari dagokionez, astegunetan 07:00etatik 21:00etara lan egingo dute eta asteburuetan 09:00etatik 21:00etara. Bertako telefono zenbakia 943 03 80 85 da.
Kultur zerbitzuetan, ordea, aldaketak egongo dira. Liburutegia itxita egongo da uztailaren 31tik irailaren 5era arte. Aizpurunea kultur etxeari dagokionez, abuztuko lehen astean (2tik 6ra), goizez bakarrik irekiko dute: 09:00etatik 14:00etara. Abuztuaren 9tik 24ra itxita egongo da. eta 25etik 31ra goizez bakarrik itxiko dute.
Kiroldegia
Aldiri kiroldegiari dagokionez, abuztuaren 6a arte udako ordutegian irekiko dute: 07:00etatik 14:00etara eta 17:00etatik 21:00etara. Abuztuaren 7tik 22ra itxita egongo da eta abuztuaren 23tik aurrera ohiko ordutegian irekiko da: 07:00etatik 22:00etara.
Bukatzeko, igerilekuak abuztuaren 29a arte egongo dira zabalik.
