Kirolzalek pilota txapelketa herrikoiaren zortzigarren edizioa antolatu du. Hilaren 25erako eman behar da izena.
![](https://www.otamotz.eus/site/files/2021/10/esku_pilota_txapelketa_her-900x597.jpg)
Kirolzalek pilota txapelketa herrikoiaren zortzigarren edizioa antolatu du. Partidak, urtero bezala, Zumarragako Beloki pilotalekuan jokatuko dira. Zumarraga eta Urretxurekin lotura duten 16 urtetik gorako pertsonek bakarrik parte hartu ahal izango dute txapelketa honetan.
Txapelketa bakarra izango den arren, hasierako ligaxkan maila ezberdinak egongo dira. Ligaxkako partidak larunbat goizetan jokatuko dira eta finalerdiak eta finala Goñiren omenezko pilota txapelketaren barne. Txapelketa abenduaren amaieran edo urtarrilaren hasieran jarriko da martxan eta udaberri hasieran amaituko da.
Parte hartu nahi dutenek kirolzale.eus webgunean eman behar dute izena. Azken eguna hilaren 25a izango da. Pertsona bakoitzak 25 euro ordaindu behar du.
Antolatzaileek bikote bakoitzari pilota bat oparituko diote eta pilotari bakoitzak kamiseta bat jasoko du. Gainera, Beloki pilotalekuan entrenatzeko aukera edukiko dute. Lehenbailehen izena ematea komeni da,ahal bezain laster entrenatu ahal izateko. Entrenatzeko, taldeak sortuko dira.