Urola eskubaloi taldeak berdintasunari eta sexu indarkeriaren prebentzioari buruzko kanpaina batean parte hartuko du
Urola eskubaloi klubak berdintasunari eta kiroleko sexu indarkeriaren prebentzioari buruzko sentsibilizazio kanpaina bat antolatu du. Kanpaina honetan klubarekin zerikusia duten pertsona guztiek parte hartuko dute. Hitzaldiak Eusko Jaurlaritzak eta Basque Teamek sustatutako Zure Taldeak Gara kirol arloko sexu abusuaren, sexu jazarpenaren eta sexuagatiko jazarpenaren arreta zerbitzuko langileek emango dituzte.
Hilaren 14an haur eta senior mailako emakumezkoek izango dute prestakuntza saioa, hilaren 15ean kimu mailako gizonezkoek, kadete mailako emakumezkoek, entrenatzaileek eta zuzendaritzako kideek eta hilaren 17an eskubaloi eskolako kideek.
