Julen Juzdado bigarren eta Joseba Alvarez laugarren, bigarren mailako Espainiako powerlifting txapelketan
![](https://www.otamotz.eus/site/files/2022/02/img-20220221-wa0001.jpg)
Goierri kirol elkarteko powerlifting saileko lau lagunek Espainiako bigarren mailako txapelketan parte hartu dute asteburuan, Avilan. Lauek beraien marka hobetzea lortu dute.
83 kilo azpikoen mailan, Joseba Alvarez laugarren postuan sailkatu da, Xabi Piriz 23. postuan eta Markel Perez 27. postuan. 120 kilo azpikoen artean, Julen Juzdado bigarren postuan sailkatu da gazte mailan. Garaipenetik 2,5 kilora gelditu da.
Alvarezek eta Juzdadok lehen mailako txapelketara sailkatzeko behar zituzten markak egin dituzte. Abuztuan beste lehiaketa bat dago eta Piriz berriro saiatuko da Espainiako lehen mailako txapelketan parte hartzeko behar den marka egiten.