Afizionatu mailako pilotari onentsuenak ekarriko ditu Goñiren omenezkoak, Zumarragako Beloki pilotalekura. Tartean izango dira, Beñat Zubizarreta ataundarra eta Ekhi Irribarria aramarra, promesen mailan; eta Beñat Garmendia beasaindarra, elite mailan
Martxoaren 2an ekingo diote Goñiren omenezko 30. pilota txapelketari, Zumarragako Beloki pilotalekuan. Urte hauetan guztietan bezala, aurten ere, afizionatu mailako pilotari onentsuenak ekarriko ditu Txapelketa hau Xabier Goñi zenaren omenez antolatzen den txapelketa honek. profesional mailako pilotaria eta Beloki pilota eskolako entrenatzailea zen Goñi. 1990ean hil zen, istripu batean. 1992tik txapelketa hau antolatzen da bere oroimenez.
Gaur goizean aurkeztu dute ekitaldia, Antioko interpretazio zentroan. Bertan izan dira kirol jardunaldian parte hartuko duten pilotarietako batzuk. Promesa mailakoek, lau t’erdikoa jokatuko dute eta eliteek binakakoa.Tartean izango dira hainbat pilotari goierritar ere: Beñat Zubizarreta ataundarra eta Ekhi Irribarria aramarra, promesen mailan; eta Beñat Garmendia beasaindarra, elite mailan. Gainontzean, promesen mailan, bi goierritarrekin batera izango dira lehian, Iker Egiguren, Mikel Aranberri, Iker Amiano, Beñat Etxeita, Aingeru de la Fuente, eta Beñat Apezetxea. Eliteen mailan berriz, Garmendiaz gain, Josu Igoa, Ander Murua, Aimar Morgaetxebarria, Gorka Ugartemendia, Martxel Iztueta, Iñaki Elola, Aaron Arbizu, Julen Alberdi, Aratz Irazustabarrena, Hodei Exposito, Unai Mata, Jorge Altuzarra, Eneko Labaka, Javier Ozkoz eta Javier Cuairan.
Datorren astetik aurrera beraz, afizionatu mailako pilotaz gozatzeko aukera izango da Zumarragan. Partida guztiak, asteazkenetan 18:30etik aurrera jokatuko dituzte. Jarraian partiden egutegia:
MARTXOAK 2:
- Lau t’erdian: Amiano-Egiguren
- Binakakoan: Alberdi-Arbizu / Igoa-Cuairan
MARTXOAK 9:
- Lau t’erdian: Irribarria-Etxeita
- Binakakoan: Murua-Morgaetxebarria / Elola Irazustabarrena
MARTXOAK 16:
- Lau t’erdian: Zubizarreta-Aranberri
- Binakakoan: Exposito-Ugartemendia / Mata-Altuzarra
MARTXOAK 23:
- Lau t’erdian: De la Fuente-Apezetxea
- Binakakoan: Eneko Labaka-Iztueta / Oskoz Garmendia
MARTXOAK 30 ETA APIRILAK 6
- Finalerdiak
APIRILAK 13
- Finalak
