David Burgi zumarragarraren Messura taldeak joko du, Tzar, Tiburona eta Polybiusekin batera
Apirilaren 23an Poligrafo Fest rock jaialdia egingo dute Urretxuko Gernikako Arbola plazan. Zazpigarren edizio honetan lau taldek parte hartuko dute: Polybius, Tzar, Messura eta Tiburona.
Musika jaialdia 19:00etan hasiko da, Polybius taldeare kontzertuarekin. 20:20ean Tzar taldeak joko du, 21:50ean Messurak eta 23:30ean Tiburonaren txanda izango da.
Sarrerak dagoeneko salgai jarri dituzte, 5 euroan, entradium.com webgunean. Jaialdi hau Zarraparraz taldeak, Motz eta Fox tabernak eta Urretxuko eta Zumarragako udalek antolatu dute.
Zarraparraz kolektiboak rock taldeak ekarri ohi ditu, baina aurten musika mota ezberdinak entzun ahal izango dira. Zestoako Polyibius taldeak pop musika egiten du. Urretxun bizi den Raul Olaizolak jotzen du. Lazkao-Hondarribiako Tzarrek, berriz, stoner-hardcore musika egiten du. Logroñoko Messura taldeak indie musika jotzen du eta Madrilgo Tiburona taldeak rock musika egiten du. Messura taldean David Burgi zumarragarrak jotzen du.
