Partida Aretxabaletan izango da, 17:00etan
Goierri kirol elkartearen areto futbol saileko gizonezkoen lehen taldeak Hirugarren Mailara igotzeko jokatuko du larunbatean, 17:00etan, Aretxabaletan. Goierri Euskal Liga jokatzen ari da. Puntu bakarra behar du Hirugarren Mailara igotzeko eta bi partida falta dira denboraldia amaitzeko.
Goierri sailkapeneko bigarren postuan dago, Leioa Ibaraki liderrarengandik bost puntura. Hirugarren sailkatuari, Basauriko Soloarteri, bost puntuko aldea ateratzen dio. Gainera, goal average-a alde du. Hori dela eta, falta diren bi partidetan puntu bakarra ateratzearekin nahikoa du bigarren postuan sailkatzeko. “Gure zaleei asteburu honetan Aretxabaletara hurbiltzeko deia egiten diegu, beraien animoekin denboraldi hasieratik izan dugun helburua lortzeko. Aupa Goierri Futsal!”.
