Maiatzaren 28an Xabier Ormazabal Mendi Festa egingo dute Urretxun. Hilaren 11:00n boulder irekia egongo da, haurrentzako jolasekin eta tailerrekin. 12.30ean eskalada topaketa herrikoia egingo dute. 18:30ean eskalada desafioa egingo dute: Federazioko gazteek Esther Cruz, Patxi Usobiaga, Ane Hernani, Gorka Karapeto, Leire Agirre eta Iker Pou beteranoekin indarrak neurtuko dituzte. 21:00etan 2021eko bekaren irabazlearen izena emango da ezagutzera Labeaga aretoan (aurretik luntx txiki bat egingo dute). Bukatzeko, mendi zinema emanaldia egongo da toki berean. Itziar Zabalaren Amagana, Mikel Gurrea eta Haizea Osesen Heltzear eta Pou anaien Aupa Pou. Bizitzaren sokari lotuta pelikulak emango dituzte.
