![](https://www.otamotz.eus/site/files/2022/05/img_7746.jpg)
Zumarragak Herriarteko Paleta Txapelketako itzulerako partidak jokatuko ditu bihar (ostirala), 21:30ean, Tolosako Beotibar pilotalekuan. Joanekoan zumarragarrak 2 eta 1 nagusitu ziren eta 14 tantoko aldea lortu zuten. Kantxa osoko banakakoan Iñigo Vianak 6 eta 20 galdu zuen Tolosako ordezkariaren aurka, binakakoan Jon Anduezak eta Mikel Rodriguezek 20 eta 1 irabazi zuten eta aurreko zazpi koadroetan jokatutako buruz-burukoan Josu Vianak 20 eta 11 irabazi zuen.