Xabier Ormazabal Mendi Festa egiten ari dira Urretxuko Gernikako Arbola plazan. Goizean boulder irekia egon da, haurrentzako jolasekin eta tailerrekin. Ondoren, eskalada topaketa herrikoia egin dute.
18:30ean eskalada desafioa egingo dute: Federazioko gazteek Esther Cruz, Patxi Usobiaga, Ane Hernani, Gorka Karapeto, Leire Agirre eta Iker Pou beteranoekin indarrak neurtuko dituzte. Federazioko gazteen artean Maddi Agirre ordiziarra egongo da. Gainera, ikusleen artean Alex Txikon eta Alberto Iñurrategi egongo dira, besteak beste. Iñurrategiren semeak eskalada desafioan parte hartuko du, gazteen taldearekin.
21:00etan 2021eko bekaren irabazlearen izena emango da ezagutzera Labeaga aretoan (aurretik luntx txiki bat egingo dute). Bukatzeko, mendi zinema emanaldia egongo da toki berean. Itziar Zabalaren Amagana, Mikel Gurrea eta Haizea Osesen Heltzear eta Pou anaien Aupa Pou. Bizitzaren sokari lotuta pelikulak emango dituzte.
Argazkiak: Gotzon Aranburu
