Zumarragako Udala Soraitz baserrira doan bidea konpontzen ari da, Agerre baserriko bidegurutzetik gertu. Inguru horretan, bidea hondoratzen ari da, eta kaltea areagotu aurretik, bidearen oinarria sendotu behar da. Horretarako, zoladura guztia altxatu da gehien hondatutako eremuan, eta, ondoren, zoladura sendoagoa jarriko da.
Obra honek 41.735,93 euroko aurrekontua du eta Gipuzkoako Foru Aldundiaren Ekonomia Sustapena, Landa Ingurunea eta Lurralde Oreka departamentuaren 22.954,76 euroko laguntza du.
