ButaK 21 zineklubak ‘The quiet girl’ pelikula emango du bihar (ostirala), 20:30ean, Zelai Arizti aretoan. Film honetako pertsonaiek gaelikoz hitz egiten dute ia pelikula osoan. Protagonista neskato bakarti eta isil bat da. Senitarteko batzuen etxera bidaliko dute uda pasatzera, bere ama erditzera doalako. Senitarteko horien eskutik, bere bizitza goitik behera aldatuko da.
Emanaldia 20:30ean hasiko da eta ordu eta erdi iraungo du. Ikusleak Martxoan Bertsoko taldekako txapelketako finala ikusteko garaiz aterako dira zine aretotik. Bihar iluntzerako plan bikaina, beraz.
