ZUbertsotan bertso eskolak martxan jarritako katearen barruan, hona Uxue Fernandez Lasak jarritako 'Izenaren izana' bertso sorta.
- Egilea: Uxue Fernandez Lasa
- Gaia: ‘Izenaren izana’
- Doinua: Behin batian Loiolan III
Proiektu bat jarri nahi
dute Arcelorren
lurretan martxan laster,
euren nahi ta orden,
makillatuagatik
ahal bezain jatorren,
kontziente al gara,
zer ote datorren?Plastic Energy omen
enpresa gizena,
pertsonon osasuna
zaintzen ez duena,
birbalorizazio
kimiko sistema,
errauste planta bat da
ta ez salbuespena.Birziklapen zikloa
atzean ahaztuta,
hogeita hamar mila
tona da datu ta,
furano, dioxinak,
nonahi zabalduta,
hondakin plastikoak
errauts bihurtuta.Lehen izan ziren eran
ke, hauts eta berun
laino beltz toxikoak
jai eta lanegun,
batu ta azter dezagun
ze egin dezakegun.
Gauzei euren izenez
dei diezaiegun.
