EH Bilduk bi zinegotzi irabazi ditu Zumarragan (bost lortu ditu) eta gobernatzeko aukera du, EAJrekin akordioa lortzen badu. Aritz Elgarresta alkategaia “oso pozik” ageri da.
Zer moduz?
Oso pozik nago, noski. Eskerrak eman nahi dizkiot guregan konfiantza jarri duen jende guztiari. Hemendik aurrera, elkarlanerako prest.
Emaitza hori espero al zenuten?
Lau zinegotzi lortuko genituela uste genuen. Bost lortzea posible ikusten genuen, baina oso zaila iruditzen zitzaigun.
Emaitza ona lortu duzue. Zergatik?
Lau urte hauetan gogor lan egin dugu. Jendea horren jakitun da. Sinesgarritasuna irabazi dugu gure lanarekin. Jende askok aldaketa nahi duela uste dugu. Aldaketaren aldekoak gehiengoa gara, baina ez dakigu horrekin nahikoa izango den.
Zumarragako alkatea izango zarela uste al duzu?
Guk horretarako lan egingo dugu, baina ez dago gure esku.
