Jon Altolagirre: "Urretxu abertzalea eta ezkerrekoa da eta gu gara bi ezaugarri horiek dituen bakarra"
EH Bilduk zinegotzi bat irabazi du Urretxun. Lau ditu eta hurrengo legealdian bost izango ditu.
Emaitza horiek espero al zenituen?
Balorazioa oso positiboa da. Parte hartzea asko jaitsi da eta hori beti da albiste txarra. Baina parte hartzea txikia izan den arren, Urretxuko EH Bilduk udal hauteskunde batzuetan inoiz lortu duen boto kopuru altuena lortu du.
Eta orain zer?
Urretxuko herriak beste indar banaketa bat aukeratu du. Urretxu abertzalea da eta gehiengoa ezkerrekoa da. EH Bildu da bi ezaugarri horiek dituen bakarra. Hurrengo lau urteetan ildo horretatik lan egingo dugu. Eta noski, EAJko hautagaiei zoriondu nahi diet, lehen indarra izan baitira.
