Sentiberatasun sentsoriala duten haurrek ere Zumarragako jaietako barrakez eta jolasez gozatu ahal izango dute
![](https://www.otamotz.eus/site/files/2023/06/whatsapp-image-2023-06-28-at-13-29-27.jpeg)
Zumarragako Udalak, neurri inklusibo bat ezartzea erabaki du, jaietan barraken erabiltzaile guztiek atrakzioez gozatzeko aukera izan dezaten: haur parkeetan musikarik ez da egongo eta barraketan musika geldialdia egingo da ostiral, larunbat, igande eta astelehenean 18:00etatik 19:30era. Neurri horren bidez, sentiberatasun sentsoriala duten haurrei parte hartzeko aukera eman nahi zaie. Izan ere, jarduera horiek soinu estimuluak izaten dituztenez, oso gogaikarriak dira beraientzat.