Z-Z Urolako Trena Bizikletaz martxa igande honetan egingo da (azaroak 12). Urriaren 12an egin behar zen, baina atzeratu egin zen. Goierri kirol elkarteko zikloturismo sailak antolatu du, bi udalen laguntzarekin. Pandemia garaian egiteari utzi zitzaion eta aurten 16. edizioa egingo dute. Beti bezala, hiru ibilbide egongo dira: Iraetara (09:00etan irtengo dira), Azkoitiko plazara eta Aizpurutxora. Azken bi taldeak 10:00etan aterako dira. Denak Areizaga-Kalebarren plazatik abiatuko dira. Iraetan, Azkotian, Aizpurutxon eta helmuan anoa postuak egongo dira. Parte hartzea doan da. Goierri elkartean, Ispilla eta Aldiri kiroldegietan, Zatikan eta Urben eman daiteke izena.
